حماتي المستقبليه

حماتي المستقبلية دلقت ال 96 دعوة فرح بتاعتنا اللي عليها الطوابع في جردل مية وسخة واصرّت انها مجرد حادثة.. كنت خلاص هصدق اني هبدأ كل حاجة من الاول.. لحد ما خطيبي بص لامه واخد قرار واحد حوّل حادثتها الصغيرة لأسوأ كابوس في حياتها
حماتي كانت بتحاربنا على الفرح بقالها شهور
القاعة صغيرة اوي
المنيو مش شيك كفاية
الورد لونه غلط
وظاهرا قايمة المعازيم ناقصة 18 قريب خطيبي مكلمهمش بقاله سنين
وكل نقاش كان بينتهي بنفس الجملة
دول عيلة
واخيرا خطيبي زهق
مفيش اضافات تاني يا ماما.. ده فرحنا احنا
بصتله
انا بس بحاول اساعد
يبقى ساعدي بانك تحترمي اللي قررناه
مردتش
بس النظرة اللي ادتهالي فضلت في دماغي
بعدها باسبوع.. خلصت ال 96 دعوة
3 ليالي وانا براجع عناوين.. وبظبط ليبلز وبلزق طوابع على الجوابات لحد ما صوابعي وجعتني فعلا
لما خلصت اخر واحدة.. رصيتهم بالظبط في نص سفرة الاكل
كنت مرتاحة لدرجة اني صورتهم من فوق وبعت لخطيبي
اخيرا خلصت.. بكرا هيت بعتوا في البوستة!
الصبح ده.. كنت منضفة البيت كله عشان اهل خطيبي جايين على العشا
حماتي كانت عارفة كده
حتى كنت بشتكي لها اني قعدت ساعتين اكنس وامسح واشيل التراب
فعشان كده لما رجعت من مشوار سوبر ماركت سريع ولقيتها واقفة في مطبخي جنب جردل مية لونها رمادي.. عرفت فورا ان في حاجة غلط
وبعدين بصيت جواه
الدعوات بتاعتي كانت عايمة فيه
كل واحدة
الجوابات نفشت واتفتحت.. الحبر الاسود سايح على الورق بخطوط معووجة.. الليبلز بتاعة العناوين بتتقشر والطوابع عايمة على الوش الوسخ
لحظة مقدرتش اتكلم
ايه اللي حصل؟
حماتي شكلها مكنش قلقان خالص
يا حبيبتي متتخضيش.. كنت بمسح الارض.. خبطت الترابيزة.. واتزحلقوا جوا الجردل
وهزت كتفها
مجرد حادثة
بصيت ببطء على ترابيزة السفرة
وبعدين رجعت ببصلها
الدعوات كانت في النص بالظبط
مش على الحرف
ولا حتى قريبة منه
كنتي بتمسحي؟
اه
انا قلتلك اني مسحت الصبح
بقها اتشد
واضح انك نسيتي حتة
متخانقتش
نزلت على ركبي جنب الجردل وبدأت اطلع الجوابات واحد واحد
ايديا كانت بتترعش
بعد 20 دقيقة.. خطيبي دخل من الباب
لقاني قاعدة على ارض المطبخ وحواليا الدعوات البايظة
ايه اللي حصل؟
قبل ما ارد.. حماتي اتقدمت
قولها انها مكبرة الموضوع.. كانت حادثة
خطيبي بصلي
فتحت موبايلي في سكوت ووريته الصورة اللي بعتهاله الصبح
96 جواب مظبوط
مرصوصين في نص الترابيزة بالظبط
فضل باصص للصورة كام ثانية
وبعدين بص لامه
متأكدة عايزة تسمي دي حادثة؟
حماتي ربطت ايديها
عشان ده اللي كان فعلا
خطيبي هز دماغه مرة واحدة
لا زعيق
ولا خناق
ببساطة لف ناحيتي
متطلبيش ولا دعوة تانية
برقت
ايه؟
وش حماتي اتغير
بتتكلم عن ايه؟
مسك ايدي
احنا مش هنبعتهم
بطني وقعت
قصدك ايه مش هنبعتهم؟
طلع موبايله
وبعدين قال حاجة خلت حماتي تتجمد مكانها
احنا هنغير الفرح
وشها بقى ابيض
تغيروا ايه؟
بصلها مباشرة
كل حاجة
خطيبي..
المعاد.. المكان.. ترتيب المعازيم
فضلت باصاله
وبعدين فجأة فهمت
انت متقدرش
صوته فضل هادي
انتي دمرتي دعوات لفرح فاكرة انك تقدري تتحكمي فيه
وضغط على ايدي
فعشان كده احنا هنعمل واحد متقدريش تتحكمي فيه
بدأت تزعق
متقدرش تعمل فيا كده! الناس خلاص عرفت! عيلتنا مستنية
قاطعها
عيلتك انتي؟
المطبخ سكت
شال واحد من الجوابات البايظة وبص على العنوان السايح
وبعدين قال بهدوء.. يا ماما.. انتي لسه مخلية قايمة المعازيم بتاعتنا اسهل بكتير
افتكرت ان ده كان العقاب
مطلعش
عشان خطيبي كان اصلا مخطط لحاجة انا معرفش عنها اي حاجة
ولما فتح موبايله ووراني الحجز اللي كان عامله من 3 ايام فاتوا.. اخيرا فهمت ليه قالي مطلبيش ولا دعوة تانية
فرحنا متلغاش
هو رايح مكان حماتي عمرها ما هتقدر تتحكم فيه
وجنب الحجز كانت قايمة معازيم فيها 12 اسم بس
قلتله.. 12 اسم بس؟
قال.. 12 اسم بس
فتحت القايمة.. لقيت اهلي.. ابويا وامي واخويا.. واتنين صحابي المقربين.. واخوه هو.. وتلاتة صحابه.. واتنين قرايبه اللي بيحبهم بجد
مفيش ال 18 قريب اللي عمره ما كلمهم
مفيش جيران حماتي
مفيش صحابها بتوع النادي
قلتله.. والناس التانية؟
قال.. الناس التانية عرفوا من الدعوة اللي باظت.. انهم مش معزومين على فرحنا.. هما معزومين على فرح امي
حماتي كانت واقفة مصدومة.. واول ما سمعت 12 اسم.. صرخت
انت اتجننت؟.. الناس هتقول ايه؟.. عيلتنا كلها مستنية الفرح.. انت عايز تفضحنا؟
خطيبي بصلها ببرود وقال.. انتي اللي فضحتي نفسك لما دلقتي 96 دعوة في جردل.. كنتي فاكرة اني هطبع 96 تاني وازود عليهم ال 18 بتوعك؟
قالت.. انا مقصدتش!.. كانت حادثة!
قال.. حادثة؟.. الدعوات كانت في نص الترابيزة.. الجردل كان في المطبخ.. ازاي اتزحلقوا من نص السفرة لجوا الجردل في المطبخ؟.. بيمشوا لوحدهم؟
سكتت.. وشها احمر
قلتله.. طب والحجز اللي انت عامله ده فين؟
وراني الموبايل
كان حاجز فيلا صغيرة على البحر.. في مكان بعيد.. بجنينة وبحر.. لليلة واحدة بس.. اليوم اللي بعد بكرة
قلتله.. اليوم اللي بعد بكرة؟.. ازاي؟
قال.. حجزته من 3 ايام.. من ساعة ما قلتيلي انك خلصتي الدعوات وانا حاسس ان امي هتعمل حاجة.. كنت مستني.. ولما عملت كده.. اتأكدت
حماتي قالت.. مش هسمح.. ده فرح ابني الوحيد
قال.. ومش هسمح ان فرحي الوحيد يبقى فرحك انتي.. انا خطبتها هي.. مش انتي
وشال الجردل كله.. ورماه في الزبالة بالدعوات بالمية الوسخة.. وقال.. كده الحادثة خلصت
حماتي خرجت وهي بتعيط وبتزعق.. هكلم ابوك.. هكلم عيلتك كلها.. هقولهم انكم بتهينوني
بعد ما مشيت.. قعدت على الارض وفضلت اعيط.. مش عشان الدعوات.. عشان كنت خايفة
قلتله.. 12 واحد بس هيزعلوا مننا؟.. الناس هتقول علينا ايه؟
قال.. هيقولوا اننا عملنا الفرح اللي احنا عايزينه.. مش الفرح اللي امي عايزاه
طب وفلوس القاعة؟.. دفعنا عربون
قال.. هخسره.. وموافق اخسره.. ولا اني اخسرك وانتي كل يوم بتعيطي عشان قايمة المعازيم
تاني يوم الصبح.. تليفونه مرنش.. حمايا اتصل.. وصوته كان هادي
قال.. امك قالت انكم لغيتوا الفرح
خطيبي