رجعت علی البیت حکایات رومانی مکرم

الباب اتفتح ببطء، وشريف ظهر في الفتحة ولابس جلابية بيت قطن جديدة كرتونة، في بقه سيجارة مارلبورو أحمر والضحكة لسه مالية وشه:— مين؟.. خالد؟! إيه ده، أنت رجعت بسرعة كده ليه؟ قولتلي رايح تبص عليها وتشوف حكايتها، مقولتش إنك راجع على طول!ما نطقتش بحرف، زقيته بكتفي زقة خفيفة بس كانت كفيلة تخليه يرجع لورا تلات خطوات ويتلخبط في سجاد الصالة العجمي الفاخر اللي عمري ما شوفته في حياتي. دخلت وسبت باب الشقة موارب ورايا. الصالون كان ريحته معطرات جو مستوردة وبخور خليجي من اللي كنت ببعته لأمي مع الهدايا. سمر كانت قاعدة على ركنة رمادي قطيفة، حاطة رجل على رجل وقدامها فنجان قهوة وطبق حلويات شرقية، وبترن ضحكتها في التليفون:— أيوة يا حبيبتي، مهندس الديكور جاي بكرة يرفع مقاسات المطبخ الجديد...أول ما عينيها جت في عيني، الكلام نشف في حلقها، الموبايل نزل من ودنها على حجرها، وعينيها وسعت برعب كأنها شافت عزرائيل واقف قدامها بكفنه.— خـ... خالد؟ أنت مش روحت؟ لقيتها؟ ! طلعت أمي الحاجة فاطمة من الطرقة اللي بتودي لأوض النوم، كانت لامة شالها على كتافها وإيديها بتترعش، مشيت خطوتين ووقفت في نص الصالة، عينيها عمالة تهرب مني، وشفايفها بتتحرك من غير صوت كأنها بتقرأ تعاويذ أو بتستغفر على جريمة عارفة إنها اتكشفت خلاص. مشيت بكل هدوء لحد الترابيزة الكبيرة اللي في النص، ورميت الشنطة الجلد التقيلة. الرزع بتاعها عمل صوت كتم كل نفس في الشقة، كتم حتى صوت برنامج المسابقات اللي كان شغال على الشاشة العملاقة. الأكثر قراءة الان حكايات زهره الربيع 1 منذ 3 أيام ثلاث شهور حكايات رومانى مكرم 1 منذ يومين من وقت ما اتجوزت حكايات رومانى مكرم 1 منذ 4 أيام — اقعد يا شريف، اقعدي يا سمر.. وأنتي يا حاجة اقعدي عشان الحساب هيطول، وعضمك مابقاش حمل الوقفة دي. شريف حاول يبلع ريقه ويتماسك، نفخ دخان السيجارة لفوق وقال بصوت مهزوز بيحاول يخليه خشن:— جرى إيه يا خالد؟ داخل علينا كأنك داخل على غزاة! إحنا أهلك وناسك، وأنا قولتلك من العصر البت دي هي اللي طلبت تمشي، وأنا على نياتي سترت عليها ومارضيتش أبوظ فرحة رجوعك. فتحت سوستة الشنطة، وطلعت أول دوسيه، رميته قدام رجليه على الأرض:— ده كشف حساب البنك الأهلي فرع طنطا.. التوكيل اللي اتعمل لأمي عشان تصرف على البيت والعيشة، لقيت فيه بند سحب روتيني بيتحول بالاسم لـ "شريف عبد المنعم". خمستاشر ألف دولار في الشهر الأول، وعشرين ألف في التاني، وستين ألف درهم في التحويل الإماراتي الأخير!شريف وشه بهت تماماً، السيجارة وقعت من بين صوابعه على السجادة ومحسش بيها. طلعت الملف التاني ورميته على حجر سمر:— ودي بقى الشكوى اللي كانت متقدمة في القسم إن هناء سرقت صيغة أمك ودهبها. . الشكوى اللي شريف راح سحبها بـ "تنازل ودي" بعد ما طردتوا البنت بالهدوم اللي عليها في نص الليل! دهب مين يا سمر؟ دهب هناء شبكتها اللي أنا شاريها بفلوس شقايا ودفاتري لسه محتفظة بفواتير الصاغة في دبي وطنطا؟!سمر قامت وقفت وصوتها علي بهستيريا وغل كان مستخبي تحت المكياج والفستان الشيك:— إيه يعني؟! إيه يعني أخدنا؟! ده حقنا! هو أنت نسيت إنك مسافر بفلوس الجمعية اللي شريف عملهالك زمان؟ نسيت إننا شيلنا أمك وخدمناها سنتين وأنت عايش ومتهني في أبراج دبي وعربياتك وفنادقك؟ هي مين دي أصلاً اللي عامل عليها راجل؟بت شحاتة من كفر الشيخ، كانت هتاخد شقاك وتورثك بالحيا! إحنا اللي لحقنا فلوسك وصونّا بيتك!ابتسمت، ابتسامة باردة جداً خلت سمر تسكت فجأة وترجع خطوة لورا:— صونتوا بيتي؟ رميتوا مراتي في عشة مسوسة وسط الكلاب والتعابين تاكل من ترويق القمصان وخياطة الجلاليب بقرشين، وصونتوا فلوسي بإنك جبتي عفش كرتونة ومشاية كهربا وشاشات عرض وتجددوا المطبخ؟ !التفتّ لأمي، كانت واقفة بتعيط بصوت مكتوم، قربت منها ووطيت لمستواها، صوتي اتهز لأول مرة:— هنت عليكي يا أمي؟ سنتين كاملين بكلمك فيديو كل يوم جمعة، تقوليلي: "هناء نايمة يا خالد، هناء عند خالتها بتساعدها، هناء بتصلي ومبسوطة وبندعيلك".. كنتي بتبصي في الكاميرا وتكدبي عليا عينك في عيني يا أمي؟ بعتي ابنك وضهرك لشريف عشان شوية دهب وشاشة؟ الحاجة فاطمة قعدت على الأرض وانهارت في البكا ولطمت على خدها:— والله يا ابني ما كان بإيدي! شريف ضحك عليا.. قالي إنك كاتب الشقة باسمها وإنها هتيجي في يوم تطردني وتبيع كل حاجة.. قالي إحنا بنأمنك وبنحمي تعبك، وأنا جهلي عماني، وسمر فضلت تزن في وداني ليل مع نهار لحد ما شيطاني صورلي إن هناء غريبة وخطر عليك!في اللحظة دي، شريف رجع خطوة لورا وبدأ يمد إيده بهدوء ناحية جيب بنطلونه ورا، وعينه على باب الشقة الموارب. — أنت بتفكر تهرب يا شريف؟قولتها بهدوء وأنا بشاور بعيني على الباب. الباب اتزق على آخره، ودخل المتر عصام المحامي، ووراه أمين شرطة واتنين عساكر من مباحث قسم أول طنطا. الأكثر قراءة الان حكايات زهره الربيع 1 منذ 3 أيام ثلاث شهور حكايات رومانى مكرم 1 منذ يومين من وقت ما اتجوزت حكايات رومانى مكرم 1 منذ 4 أيام شريف اتسمر مكانه وإيده نشفت في جيبه، المتر عصام دخل حط دوسيه أحمر قدام أمين الشرطة وقال برسمية:— محضر ضبط وإحضار صادر من النيابة العامة بناءً على البلاغ رقم 4122 لسنة 2026، استيلاء وتزوير في محررات رسمية وخيانة ائتمان على مال موكلي المهندس خالد. شريف ريقه جف، وبدأ يرتعش ويهتهت:— يا باشا ده خلاف عائلي.. دي حسابات أهل وبتتصفى ما بيننا.. خالد أخويا وحبيبي ومش هيحبس جوز أخته عشان قرشين!بصيت لشريف في عينه وقولتله بقسوة:— القرشين دول ممكن أسامح فيهم لو كانوا شحاتة.. لكن قهرة هناء سنتين في الضلمة، ودموعها اللي شوفتها النهاردة، وتعرية لحم مراتي وإهانتها. . دي تمنها رقبتك. الكلابش اتقفل على إيد شريف بتكة حديدية رنت في الصالة، وسمر صرخت بصوت خرم الودان ووقعت على الركبة تبوس رجلي:— وحياة أبوك يا خالد بلاش بهدلة.. هيروح في داهية وعيالي هيتشردوا، كل اللي خدناه هنرجعه، الشقة والعفش والفلوس والدهب والله هرجعلك كل مليم، بلاش القسم يا أخويا ده جوزي وأبو ولادي!شيلت رجلي من تحت إيدها وبصيتلها باشمئزاز:— لما رميتي شنطة هدومها في بير السلم فكرتي في عيالك؟ لما سيبتيها في عز طوبة تصارع البرد والمطر قولتيلها يا بت الناس؟أمين الشرطة سحب شريف اللي كان ماشي مدلدل راسه زي الفرخة المبلولة، وبص لسمر وقالها:— وإنتي يا هانم مطلوبة في القسم عشان الإمضاءات دي بأمر النيابة، اجهزي من غير شوشرة. البيت فضي فجأة، مابقاش فيه غيري أنا وأمي اللي كانت بتشهق على الأرض زي عيل صغير. نزلت السلم وسيبت صريخها ورايا بيملى العمارة، الشارع تحت كان ساكت، وهوا الليل بدأ يبرد. ركبت عربيتي وسوقت في طريق الأوتيل، وصلت وطلعت الدور التاني للجناح اللي سايب فيه هناء. وقفت قدام الباب ودقات قلبي سريعة، طلعت المفتاح بهدوء وفتحته. الجناح كان هادي خالص، بس النور الصغير اللي جنب السر,,ـــــير كان قايد. هناء مكنتش نايمة على السر,,ـــــير الفخم ولا مغطية نفسها باللحاف الريش. لقيتها قاعدة على السجادة في الأرض في ركن بعيد، وحاضنة ركبتيها لنفسها بنفس القعدة اللي كانت قعداها في العشة، وعينها مفتوحة ومثبتة على الباب بوجع وخوف، والكلب "صابر" نايم تحت رجليها بيحرسها. أول ما شافتني، نزلت دمعة واحدة من عينها وقالتلي بصوت مخنوق:— خلصت حقك منهم يا خالد؟ ودلوقتي.. ناوي تعمل فيا إيه بعد ما رجعت وشوفتني بالمنظر ده؟سؤالها نزل على صدـ,,ـــري زي المية المغلية. فضلت باصص لها وهي قاعدة على الأرض، رافضة تطلع على السر,,ـــــير الحرير كأنها حاسة إنها خلاص مابقاش ليها حق في أي حاجة نظيفة أو كريمة في الدنيا دي. الكلب "صابر" رفع راسه وبصلي باطمئنان هادي، كأنه حس بوجعي وسمحلي أقرب. الأكثر قراءة الان حكايات زهره الربيع 1 منذ 3 أيام ثلاث شهور حكايات رومانى مكرم 1 منذ يومين من وقت ما اتجوزت حكايات رومانى مكرم 1 منذ 4 أيام مشيت بالراحة لحد عندها، ووطيت على الأرض وقعدت قصادها متربع على السجادة، خليت عيني في مستوى عينيها. — ناوي أعمل فيكي إيه؟.. أنتي شايفة في عيني راجل ممكن يفرط فيكي تاني يا هناء؟هناء لفت وشها الناحية التانية، وصوتها كان مخنوق بالمرارة:— يا خالد، أنا مابقتش البنت اللي سيبتها من سنتين. أنا جسمي اتكسر من الرطوبة، وصوابعي شققت من خياطة الهدوم القديمة، وعيني ضعفت من سراج الجاز. أنا شوفت الذل لدرجة إني نسيت شكلي في المراية. . أنت دلوقتي باشمهندس كبير، فلوسك ومشاريعك وعيشتك في أبراج دبي متليقش بواحدة كانت بتشحت الأمان في عشة صاج وسط الكلاب. أهلك رموا كلمتهم في البلد، وحتى لو حطيت شريف في الحبس، سيرتي خلاص اتلوكت في البيوت.. والناس مابترحمش. مديت إيدي بالراحة، ومسكت وشها بين كفوفي، حسيت بسخونة دموعها اللي بتنزل على صوابعي.— طظ في أهلي، وطظ في شريف، وطظ في كلام الناس اللي يغور في ستين داهية! الناس ما كانوش هيدفــ,,ـــــنوكي لو مــ,,ـــــوتي من البرد، ولا كانوا هيسألوا عليكي لو كلاك كلب من كلاب السكك. أنتي تاج راسي يا هناء، والشقوق اللي في إيدك دي علامة شرف على جبيني، عشان شيلتي صبري وسترتي اسمي في عز ما أنا كنت أعمى ومغفل. طلعت من جيبي العلبة القطيفة الصغيرة اللي كانت معايا من الصبح، العلبة اللي جبتها من مطار دبي، فتحتها وطلعت السلسلة الدهب، كانت بتلمع تحت نور الأباجورة الخافت. مالت رقبتها وحطيت السلسلة حوالين رقبتها وقفلت القفل بهدوء. — دي وعد.. إن من اللحظة دي، مفيش قوة على الأرض هتقدر تكسر بخاطرك، ولا هسمح لمخلوق يدوس ليكي على طرف. هناء بصت للسلسلة اللي نزلت على صدـ,,ـــرها، وانفجرت في البكا، بكا حقيقي مش زي الجمود اللي كان في عينيها الصبح. رمت راسها على كتفي وفضلت تشهق، وأنا حاضنها بإيدي الاتنين وحاسس برعشة جسمها الضعيف كأنها عصفور مبلول لقى عشه بعد عاصفة هدّت كل الشجر. تاني يوم الصبح، كانت طنطا مقلوبة. مالت رقبتها وحطيت السلسلة حوالين رقبتها وقفلت القفل بهدوء.— دي وعد.. إن من اللحظة دي، مفيش قوة على الأرض هتقدر تكسر بخاطرك، ولا هسمح لمخلوق يدوس ليكي على طرف. هناء بصت للسلسلة اللي نزلت على صدـ,,ـــرها، وانفجرت في البكا، بكا حقيقي مش زي الجمود اللي كان في عينيها الصبح. رمت راسها على كتفي وفضلت تشهق، وأنا حاضنها بإيدي الاتنين وحاسس برعشة جسمها الضعيف كأنها عصفور مبلول لقى عشه بعد عاصفة هدّت كل الشجر. تاني يوم الصبح، كانت طنطا مقلوبة. المتر عصام اتصل بيا الساعة تمانية:— صباح الخير يا بشمهندس.. شريف اعترف في التحقيقات الأولية بالاستيلاء على الفلوس، خصوصاً لما واجهوه بكشوفات البنك والتحويلات اللي اتسحبت باسمه، والنيابة أمرت بحبسه أربعة أيام على ذمة التحقيق. وسمر أختك منهارة في القسم وجايبة ناس ووسطاء عشان التصالح، وبيقولوا مستعدين يرجعوا كل مليم وكل حتة دهب اتباعت. رديت ببرود تام:— مفيش تصالح يا متر. شريف ياخد أقصى عقوبة، والقضية تكمل لحد محكمة الجنايات. وبالنسبة لسمر، خليها تلف حوالين نفسها شوية وتعرف إن لحم الناس مش رخيص. وعايزك تنفذلي الخطوة التانية فوراً.— جاهز يا باشمهندس، شاحنات نقل العفش ومكتب المزايدات على وصول قدام العمارة. أخدت هناء في العربية، ومعانا صابر قاعد ورا ورافع راسه من الشباك بيشم الهوا، وروحنا على العمارة. الشارع كان مليان ناس من الجيران وأصحاب المحلات، كلهم واقفين يتفرجوا. تلات عربيات نص نقل واقفين تحت الباب، وعمال الموبيليا طالعين نازلين، شايلين الصالون المدهب، والشاشة العملاقة، والمشاية الكهربا، وغرف النوم الجديدة اللي سمر اشترتها بشقايا. سمر كانت واقفة تحت مدخل العمارة، شعرها منكوش ومن غير مكياج، ولابسة عباية سمرا وعينيها وارمة من البكا والصريخ. الأكثر قراءة الان حكايات زهره الربيع 1 منذ 3 أيام ثلاث شهور حكايات رومانى مكرم 1 منذ يومين من وقت ما اتجوزت حكايات رومانى مكرم 1 منذ 4 أيام أول ما شافت العربية وقفت ونزلت منها هناء وهي لابسة فستان جديد ونظيف وطرحة هادية، سمر اتسمرت مكانها. نزلت من الباب التاني، ومسكت إيد هناء ومشيت بيها في وسط الشارع وراسنا مرفوعة. سمر جريت عليا وارتمت على الأرض قدام رجلي ورجل هناء:— أبوس إيدك يا خالد! شريف هيمــ,,ـــــوت جوة، والعيال مش لاقيين ياكلوا، وحياة رحمة أبوك كفاية لحد كده! وحقك عليا يا هناء.. أنا اللي غلطت، أنا اللي شيطاني غواني وطردتك وظلــ,,ـــــمتك، دوسي على راسي بس فكي ضيقة أخوكي وجوزي! هناء وقفت وبصت لسمر وهي ساجدة في التراب تحت رجليها. بصت لها بنظرة مفيهاش شماتة، بس كان فيها عزة نفس بنت أصول اتكسرت ورجعت وقفت على حيلها. هناء قالتلها بصوت هادي سمعه كل اللي واقفين في الشارع:— يوم ما رميتيني في نص الليل يا سمر، مسكت في توبك وقولتلك استريني وخليني في أوضة الخزين لحد ما الصبح يطلع، زقتيني ورجلك داست على إيدي.. أنا مش هدوس عليكي، ولا هفرح في كسرتك، عشان ربي علاني ومخلاش عيني فارغة زيك. . لكن قلبي مش مسامحك، وحقي وحق مراري سايباه للي عينه ما بتنامش. بصيت للعمال وشاورتلهم:— نزلوا كل قشاية في الشقة دي، ودوا العفش ده كله لسوق الجمعة يتباع في المزاد العلني، وكل قرش يطلع منه يروح لدار الأيتام وللفقرا اللي في الغيطان برة البلد. التفتت لسمر وقولت بصوت سمعه الشارع كله:— الشقة دي اتكتبت النهاردة في الشهر العقاري بيع وشرا نهائي باسم هناء عبد الرحمن. التفتت لسمر وقولت بصوت سمعه الشارع كله:— الشقة دي اتكتبت النهاردة في الشهر العقاري بيع وشرا نهائي باسم هناء عبد الرحمن.. بيتي اللي طردتوها منه، بقى ملكها قانوناً وشرعاً. سمر قعدت تلطم على وشها والناس بتبصلها باحتقار بعد ما كل المستخبي بان وكل الجيران عرفوا أصل الحكاية. ركبت العربية مع هناء ولفينا وشنا ومشينا من الشارع كله، وفي بالي خطوة واحدة أخيرة، الخطوة اللي كانت بتوجع أكتر من حبس شريف وذل سمر. . خطوة كانت مستنياني في بيت قديم في ضواحي كفر الشيخ، حيث كل الخيوط اللي بدأت الحكاية دي لازم تتقفل للأبد. الطريق الزراعي الممتد بين الغربية وكفر الشيخ كان هادي، وصوت كاسيت العربية واطي على قرآن الشيخ عبد الباسط، والمساحات بتمسح نقط ندى متأخرة على الإزاز. هناء كانت ساندة راسها على شباك العربية، عينيها بتراقب عيدان الدرة والغيطان الخضرا وهي بتعدي بسرعة. "صابر" كان راقد ورا، مدلدل ودانه وساكت تماماً كأنه مستشعر إن الرحلة دي مش فسحة، دي رحلة رد اعتبار لحم انظلــ,,ـــــم من أقرب الناس ليه. دخلنا كفر الشيخ، وتحديداً في كفر صغير بيوته مبنية بالطوب الأحمر والشارع ضيق مايساعش غير عربية واحدة بالعافية. وقفت قدام بيت أبو هناء؛ بيت عيلتها القديم، اللي إخواتها الصبيان ورثوه وقفلوا بابه في وشها بالظن البطال. نزلت، وفتحت الباب لهناء، ومديت إيدي ليها ومسكت كفها قدام نظرات الجيران اللي كانوا قاعدين على مصاطب البيوت يتهامسوا:— مش دي بت عبد الرحمن اللي قالوا طفشت؟— أيوة هي. . ده جوزها المهندس راجع معاها وراكبين عربية تملى العين!خبطت على الباب الحديد تلات خبطات تقال رنوا في الحارة كلها. ثواني، وفتح الباب "مجدي"، أخوها الكبير، لابس جلابيته والسيجارة بين صوابعه. أول ما عينيه جت في وش هناء، اتخض، وشه قلب ألوان وتلجم في مكانه، وصوته طلع مهزوز:— هـ.. هناء؟! خرج وراه أخوها الصغير "سعيد"، وكان ماسك في إيده كوباية شاي، كادت تقع منه لما لمحني واقف جنبها وماسك إيدها، وهناء رافعة راسها ولبسها نضيف، وعلى صدـ,,ـــرها السلسلة الدهب بتلمع تحت الشمس. — أيوة هناء يا مجدي.. مرات البشمهندس خالد، اللي جوز أختي كتبلكم ورقة زور من سنتين وقالكم إنها مشيت بفضيحة وإنها سابت بيتي!قولتها بصوت جهوري خلى الحارة كلها تقف على رجليها تسمع. مجدي بلع ريقه وبص في الأرض، وقال بنبرة مكسورة بيحاول يداري بيها خيبته:— يا بشمهندس.. الكلام اللي جالنا كان يكسر الضهر، شريف قال إنها.. الأكثر قراءة الان حكايات زهره الربيع 1 منذ 3 أيام ثلاث شهور حكايات رومانى مكرم 1 منذ يومين من وقت ما اتجوزت حكايات رومانى مكرم 1 منذ 4 أيام قاطعته هناء، بصوت ثابت عمرها ما نطقته بيه قدام إخواتها الكبار اللي كانوا مطلعين عينها زمان:— شريف قال، وإنتوا صدقتوا من غير ما تكلفوا خاطركم تركبوا ميكروباص بساعتين لطنطا تسألوا عليا! بعتوني برخيص عشان خفتوا من كلمة الناس، وخفتوا تشيلوا همي وهم لقمتي لو كنت اتطلقت! سنتين وأنا على بعد ساعة ونص منكم، باكل عيش ناشف وسط الغيطان، وعمري ما رفعت عيني وقولت أروح لإخواتي عشان عرفت إن دمي عندكم كان هان خلاص! سعيد وطى راسه في الأرض، ومجدي مد إيده عشان يمسك كتفها ويعتذر:— حقك عليا يا أختي.. والله الندم كان واكلنا والـ...هناء سحبت كتفها لورا بمنتهى الهدوء والكرامة، وبصتله بنظرة شبعت فيها من كل عتاب الدنيا:— مفيش بيننا عتاب يا مجدي. لفينا وركبنا العربية، وقبل ما أدور الماتور، مجدي وسعيد كانوا واقفين على باب البيت زي التماثيل، الندم والكسرة ماليين وشوشهم بعد ما ضيعوا بنت أصول برمشة عين عشان كدبة غريب. لعربية خدت طريقها راجعة على القاهرة. كنت مأجر فيلا صغيرة بجنينة في التجمع، مفروشة وجاهزة على أعلى مستوى عشان نبدأ فيها حياتنا على نظيف، بعيد عن طنطا وسيرتها، وبعيد عن غدر القرايب وسواد قلوبهم. دخلنا الفيلا في المغربية، "صابر" أول ما شاف الجنينة والخضرة جرى ولعب فيها، كأنه هو التاني حاسس إن أيام الرعب والبرد في العشة الصاج انتهت للأبد. هناء وقفت في الصالة الواسعة، بصت للحيطان النضيفة، والستاير المفرودة، وبعدين لفت وبصتلي والدموع في عينيها، بس المرة دي كانت دموع راحة وأمان.— إحنا بجد خلاص خلصنا من الكابوس ده يا خالد؟ قربت منها، ومسكت كفوف إيديها الاتنين وبوستهم:— خلص يا قلب خالد.. خلص شقا السنين، وحقك رجع بالمليم وبالكرامة وبالقانون. من هنا ورايح، مفيش غيطان، ومفيش دموع في الضلمة، ومفيش غربة هتفرقنا تاني.. مكتبي في دبي هيديره شريكي، وأنا هفتح فرع شركتي هنا في مصر، مش هغيب عن عينك ليلة واحدة. ابتسمت هناء لأول مرة من سنتين، ابتسامة نورت وشها الصافي ورجعت روحها اللي اتسرقت منها في عز شبابها. ومن ورا القزاز، كان الكلب صابر باصصلنا ونايم في أمان، وكأن الحكاية كلها كانت درس قاسي عشان نعرف إن أصيل الشارع أوفى من قرايب الدم، وإن الحق مهما طال ليله واتسد طريقه بتراب الغيطان.. لازم في الآخر يرجع لأصحابه، مرفوع الراس ومجبور الخاطر

مقالات ذات صلة

في حلقة داليا البحيري في برنامج عفاريت حسين الامام كانت بتقول

اخت جوزي بقلم منال علي

غابه لاتعـ,ـرف الرحمة

طلب شاب من والدته أن تبحث له عن عروسة كامله بقلم سمير شريف القناوص

التذكره الاغيرت حياتي

اسكندرية الآن

اترك تعليقاً إلغاء الرد