ضراير تحت سقف واحد حكايات ندي الجمل

نجلاء ردت: ـ أنا مش هفضل أساعدك تخربي بيت منال، ولا هسمح لك تلعبي بحسن أكتر من كده!الخناقة كبرت، وصوتهم وصل لكل اللي في البيت. محمود عرف بالموضوع، وطلب من سعاد تقعد معاه ومع حسن علشان يفهم الحقيقة.

سعاد أول ما شافته، بدأت تعيط وقالت: ـ أنا مظلومة يا محمود، هما الاتنين متفقين عليّا، وأنا ماليش حد غيرك!لكن المرة دي محمود ما طبطبش عليها، وسألها: ـ طيب قولي لي بصراحة، إنتِ فعلًا عايزة تطلقي من حسن؟سكتت شوية، وبعدها قالت: ـ أنا تعبت من حياتي معاه.

حسن رد بغضب: ـ لو تعبانة، كنتِ اتكلمتي معايا، مش تخططي من ورايا!محمود بص لسعاد وقال: ـ وحتى لو طُلقتِ، ده مش معناه إنك تدخلي بيتي وتطلبي مني أتجوزك. أنا عندي مراتي وبنتي، ومش هسمح إن بيتي يتخرب بسبب خلافاتكم.

كنت واقفة بعيد بسمع الكلام، ولأول مرة من فترة طويلة حسيت إن محمود بدأ يفهم حجم المشكلة. لكن سعاد ما استسلمتش، وبصت له وقالت: ـ يعني هتسيبني لوحدي بعد كل اللي عملته علشاني؟رد عليها: ـ أنا مش هتخلى عنك كأخت، لكن ده مش معناه إني أوافق على اللي إنتِ عايزاه.

سعاد سكتت، لكن نظرتها قالت إنها لسه ما خلصتش. وفي اللحظة دي، دخلت أنا ووقفت قدامها وقلت: ـ أنا سكت كتير يا سعاد، واستحملت تصرفاتك علشان خاطر العيلة، لكن من النهارده مش هسمح لحد يهز بيتي أو يقلل مني. بصت لي وقالت بسخرية: ـ وإنتِ فاكرة إنك كده كسبتي؟

رديت عليها: ـ أنا مش داخلة معاكي مسابقة، أنا بس برجع كل واحد لحجمه ومكانه الطبيعي. لفيت ومشيت، وأنا عارفة إن المواجهة الحقيقية لسه جاية. لأن سعاد قبل ما تخرج من البيت، قالت جملة خلتني أحس إنها مخبية مفاجأة أخيرة:ـ ماشي يا منال، استني وشوفي أنا هعمل إيه Writingضراير تحت سقف واحدالبارت الأخير: اللي حفر حفرة لغيره وقع فيها!

بعد المواجهة اللي حصلت في بيت العيلة، كنت فاكرة إن سعاد هتراجع نفسها، وإنها أخيرًا هتفهم إن محمود عمره ما هيكون ليها. لكن أنا كنت غلطانة!سعاد كانت من النوع اللي لما يخسر جولة، يقرر يحرق اللعبة كلها علشان محدش يكسب غيره.

تاني يوم الصبح، صحيت على صوت خناقة بين سعاد وحسن، وصوت نجلاء وهي بتحاول تهدي الدنيا. خرجت من شقتي، ولقيت سعاد واقفة قدام حسن وبتقوله: ـ أنا مش عايزة أكمل معاك، وعايزة الطلاق!حسن بص لها بحزن وقال: ـ بعد كل السنين دي، وبعد ما اتجوزتك علشان أربي ولاد أخويا وأحافظ عليهم، ده جزائي؟