اخويا جوزني ضرير حكايات زهره الربيع
..”
سكت
“عرفت إن لازم أتكلم”
بصيت له
“وعملت كده عشان كرامتي؟”
قال
“عشان كرامتك”
سكت لحظة
ثم قال
“وعشان كرامة والدك”
أنا بصيت ناحية أحمد
كان واقف لوحده
هالة مشيت بعيد عنه
قربت من أحمد
وقلت
“ليه ما قلتليش إن بابا كان عايز يساعدك؟”
قال
“كنت خايف”
“من إيه؟
”
“من نفسي”
“مش فاهمة”
قال
“كنت حاسس إني فشلت”
“كنت شايف إن كل اللي عملته في حياتي بيقع”
“وأنا أخوكي الكبير”
“وكنت عايز أبقى سندك”
سكت
“لكن بدل ما أطلب مساعدتك”
“حاولت أخبي ضعفي”
دموعي نزلت
قلت
“فضعفتني أنا”
قال
“عارف”
“أنت خذلتني”
قال
“عارف”
“وخلتني أحس إني عبء”
قال
“عارف”
“وخليت مراتك تهينني”
هنا سكت
بصيت له
“إنت ساكت ليه؟”
قال
“لأني عارف إني سمحت بده”
ثم بكى
“أنا غلطت لما صدقت إن البيت والفلوس أهم من أختي”
أنا ما قدرتش أقول له إن كل شيء اتصلح
لأن ما كانش اتصلح
الثقة اللي اتكسرت ما بترجعش بكلمتين
هالة كانت واقفة بعيد
وفجأة قربت
وقفت قدامي
وقالت
“أنا عايزة أتكلم معاكي لوحدنا”
بصيت لها
“قولي”
قالت
“أنا غلطت”
ما رديتش
“غلطت لما ضغطت على أحمد”
سكت
“كنت شايفة إن وجودك في البيت هيخلينا مش عارفين نعيش”
قلت
“فقررتي تجوزيني؟”
قالت
“كنت عايزة أخلص من المشكلة”
“مش مني؟”
سكتت
“قولي الحقيقة”
قالت
“أيوه”
أنا هزيت رأسي
“على الأقل لأول مرة بتقولي الحقيقة”
قالت
“لكن أنا ما كنتش عارفة إن الموضوع هيوصل لكده”
قلت
“لأ”
“إنتي كنتي عارفة”
سكتت
“كنت عارفة إن أخويا بيضغط عليا”
“وكنت عارفة إن الراجل عنده ستين سنة”
“وكنت عارفة إنه ضرير”
“وبرغم كده وقفتي تتريقي عليا يوم الفرح”
هالة بكت
“أنا ندمت”
قلت
“الندم مش بيرجع اللي اتكسر”
قالت
“أنا عارفة”
ثم بصت لي
“بس عايزة أقولك حاجة”
“إيه؟”
قالت
“أحمد كان رافض في البداية”
أنا بصيت لأحمد
هالة كملت
“هو اللي كان شايف إنك تستاهلي حد أحسن”
“لكن أنا ضغطت عليه”
أحمد بص لها بصدمة
“هالة!”
قالت
“أنا خلاص مش هخبي”
ثم بصت لي
“أنا اللي قلت له إن محمود مناسب”
أنا اتصدمت
“إنتي؟”
قالت
“أنا كنت فاكرة إن محمود كبير وضرير ومش هيكون عنده قدرة يتحكم فيك”
“وكنت فاكرة إنك هتخرجي من البيت وتسيبي لنا المكان”
بصيت لها
“يعني كنتي شايفة إن ضرره أقل؟”
هزت راسها
“كنت أنانية”
قلت
“جدا”
سكتت
ثم قالت
“بس في حاجة تانية”
أنا اتوترت
“إيه؟”
قالت
“أنا اكتشفت بعد كده إن محمود مش زي ما إحنا فاكرين”
