سلفتي حكايات زهره
الكلمة دي وجعتني، بس بدل ما أراجع نفسي، زاد غلي وقررت إني لازم أخلص من مرام بأي طريقة.
تاني يوم، لما جت تشتغل، قلت لها على فكرة، أنا مش هقدر أكمل معاكي. إنتِ بقى عندك مشاكل كتير، وبتشغلي بال جوزي بيكي، وأنا مش ناقصة ۏجع دماغ.
مرام وقفت مكانها، وشها اصفر، وقالت يعني إيه يا هانم؟! أنا عملت حاجة غلط؟
قلت لها ببرود لأ، بس مش عايزاكي تيجي هنا تاني.
فضلت ساكتة ثواني، وبعدها قالت حاضر، ربنا يسهل.
شالت ابنها ومشيت، ومن غير ما تطلب حتى حساب باقي الأسبوع.
كنت فاكرة إني كده انتصرت، وإنها هتترمي في الشارع وتيجي تترجاني أرجعها الشغل، لكن اللي حصل بعدها بيومين كان أكبر صدمة في حياتي.
كنت في المطبخ لما جوزي دخل عليا، ووشه متغير، وفي إيده ظرف كبير.
قال لي اقعدي، لازم نتكلم.
قلت له پخوف في إيه؟!
حط الظرف قدامي وقال إنتِ عارفة إن أخويا الله يرحمه كان عنده فلوس في البنك، وكان عامل حسابه لمستقبل عياله. بعد ۏفاة أمي، كنت فاكر إن مرام بتصرف من معاشه، لكن اكتشفت النهارده إن الموضوع أكبر من كده.
فتحت الظرف، لقيت صور أوراق بنكية ومستندات ملكية شقة، ومعاهم ورقة مكتوب فيها اسم مرام.
قال لي أخويا كان سايب لمرام مبلغ كبير، وكمان كان شاري لها شقة تانية باسمها قبل ما ېموت، غير الشقة اللي كانت عايشة فيها. والأهم من ده كله، إنه كان عامل وديعة بأسماء عياله، محدش يقدر يسحب منها غير لما يوصلوا للسن المحدد.
بصيت له باستغراب وقلت طب ما هي معاها فلوس أهي! أمال كانت بتشتغل عندنا ليه؟!
رد عليا بصوت مكسور لأنها ما كانتش عايزة تصرف من فلوس عياله، وكانت بتحاول تحافظ على مستقبلهم. والأوراق دي أخويا كان سايبها عند أمي، وأمي كانت مخبياها لحد ما مرام تقدر تتصرف فيها قانونيًّا. وبعد ۏفاة أمي، الأوراق وصلت لي مع حاجات أخويا القديمة، وأنا ما كنتش أعرف قيمتها غير لما روحت أسأل البنك النهارده.
سكت لحظة، وبعدين كمل بس فيه حاجة تانية لازم تعرفيها. مرام عمرها ما كانت فقيرة زي ما إنتِ متخيلة، ولا كانت بتشتغل عندنا عشان لقمة عيشها بس. هي كانت عايزة تفضل قريبة مننا، عشان ولاد أخويا ما يحسوش إنهم بقوا لوحدهم بعد ما فقدوا أبوهم وجدّتهم.
حسيت پصدمة، وقلت يعني هي كانت بتضحك علينا؟!
جوزي خبط بإيده على الترابيزة وقال بتضحك علينا إيه؟! دي كانت بتشتغل وهي ساكتة، وبتتحمل إهانتك عشان ما تحسسنيش إنها بتشتكي، وعشان ما تعملش مشاكل بيني وبينك! إنتِ اللي كنتِ فاكرة إن ضعفها فرصة ليكي، وهي كانت أقوى منك بكتير!
