الصوت العالي لهاجر سلامه

مراد برق بعينه وقال إنت بتقول إيه يا وائل إنت اتجننت البنت دي إنت اللي غلطت معاها وهربت وسيبتلي المصيبة

وائل قرب من مراد ورمى الفلاشة في وش أبوه وقال البنت دي اللي في بطنها مش ابني أنا اللي في بطنها ابن مراد حبيب قلبكم

الحاج توفيق صرخ وقال اخرس يا ولد إنت بتقول إيه

مراد كان واقف مذهول ومش فاهم حاجة وائل بص لمراد وقال فاكر من شهرين لما اتخانقت مع مريم وجيت عندي الشقة وكنت سكران ومش وعي لدنيا أنا ساعتها كنت جايب البنت دي عندي الشقة عشان نسهر سوا ولما إنت جيت أنا نزلت أشتري سجا.ير وسيبتكم سوا في الشقة إنت دخلت الأوضة الضلمة وهي كانت نايمة وإنت مكنتش شايف قدامك وافتكرتها مريم وعملت معاها علاقة وأنا لما رجعت شوفت كل حاجة في كاميرات المراقبة اللي أنا حاططها في الشقة وعرفت إنك لبست في الحيط

مراد حس بزلزال بيهز الأرض تحت رجليه والكلام نزل عليه زي الصاعقة وبص للبنت اللي قاعدة في الأرض وقال بصوت مرعوب وبيتجرح الكلام ده صح

البنت رفعت راسها ودموعها نازلة وقالت صح يا مراد أنا كنت معجبة بيك من الأول ولما دخلت عليا الأوضة وعملت كدة أنا مقولتش لاء وكنت مبسوطة ومقاومتكش ولما عرفت إني حامل وائل قالي هنستغل الموضوع ونلبسهالك عشان ناخد فلوس من أبوك ووائل هرب عشان يجبرك تتجوزني وتداري الفضيحة

مراد حط إيديه على راسه وصاح بأعلى صوته لاء مستحيل مستحيل أكون عملت كدة أنا مكنتش في وعيي أنا كنت فاكرها مريم

الحاج توفيق قعد على الكرسي ومبقاش قادر ينطق وحس إن هيبته في الأرض وولاده دمروا العيلة وائل خد الفلاشة وقال أنا كدة بريت نفسي قدامك يا سندي عشان متقولش عليا خاين أنا ماشي ومش عايز منكم حاجة

مراد كان عايش في كابوس حقيقي افتكر الليلة دي وافتكر إزاي كان زعلان من مريم وراح عند أخوه يشرب وينسى وافتكر إنه دخل أوضة ضلمة ونا..م مع واحدة وهو بينطق اسم مريم دموعه نزلت بغزارة وحس إن الدنيا اسودت تماماً وعرف إن فرشته مع مريم ضاعت للأبد ومبقاش ليه أي حق يروح ليها أو يطلب منها تسامحه هو بقا فعلاً جوز البنت دي بجد واللي في بطنها ابنه هو مش ابن أخوه

في نفس الوقت مريم كانت في الشغل مع طارق طارق لاحظ إن مريم بدأت تبتسم وتتجاوب معاه في الكلام وبقوا يخرجوا يشربوا قهوة سوا في البريك طارق بص لمريم وقال مريم أنا مش عايز أضغط عليكي وعارف إنك مريتي بظروف صعبة بس أنا بجد بحبك من أيام الكلية وعمري ما نسيتك ولما شوفتك هنا حسيت إن ربنا بعتك ليا عشان أعوضك عن أي وجع شوفتيه