حكايات محمد عبده

عمر حضن ابنه وقاله

اسمعني كويس يا يوسف إنت مش هترجع المكان ده تاني ومحدش هيقدر يأذيك ولا يأذي ماما طول ما أنا موجود

يوسف حضنه بقوة وهمس له

طب وماما يا بابا إنت هتسيبهم يعملوا فيها كده تاني

السؤال كان زي الس\كينة في قلب عمر

بص ناحية الفيلا وشاف منى لسه جوه بتمسح الأرض ونوال واقفة فوق دماغها بتأمرها

قرر إنه لازم يطلع مراته من هناك من غير ما يديهم فرصة يخبوا أي دليل

ركب ابنه العربية وخلاه يقعد في الكرسي الخلفي وبعدها اتصل بمنير المحامي اللي بيتعامل معاه من سنين

أول ما منير رد عليه قاله

عايزك تيجي لي حالا ومعاك حد متخصص في مراجعة الحسابات ومحدش يعرف إنك جاي

منير سأله بقلق

فيه إيه يا عمر

عمر رد وهو عينه على الفيلا

فيه ناس من عيلتي استغلوا ثقتي وبيهددوا مراتي وابني وأنا عايز أعرف كل حاجة حصلت من غير ما حد يقدر يضيع دليل واحد

بعد أقل من ساعة كان عمر قاعد في مكتبه الخاص ومعاه يوسف ومنير

عمر حكى له كل اللي شافه وسمعه ووراه الرسمة اللي ابنه لقاها في الحديقة

منير فضل يتأمل الورقة وبعدين قال

بص يا عمر أنا مش هقدر أحكم على معنى الرسمة لوحدها لكن واضح إن فيه حاجة لازم تتراجع قانونيا وبسرعة وخصوصا لو فيه مستندات قديمة أو تحويلات مالية ليها علاقة بالموضوع

عمر فتح اللابتوب وبدأ يراجع الحسابات اللي شريف كان مسؤول عنها

في البداية كل حاجة كانت شكلها طبيعي لكن لما منير طلب كشف تفصيلي عن التحويلات ظهر قدامهم عدد كبير من المبالغ اللي اتسحبت على مدار سنتين واتحولت لحسابات مش معروفة

عمر قرب من الشاشة وقال بصدمة

إيه الأرقام دي

منير رد بجدية

دي تحويلات بمبالغ كبيرة اتعملت على دفعات صغيرة عشان متلفتش النظر ولو التقارير دي صحيحة يبقى لازم نعرف مين المستفيد الحقيقي

عمر فضل يتنقل بين الأسماء لحد ما ظهر قدامه اسم أخوه شريف وبعده اسم أخته داليا وبعدهم حساب باسم شركة عقارات عمر عمره ما سمع عنها

لكن المفاجأة كانت إن جزء من الفلوس اتحول لحساب باسم منى

عمر رجع بضهره للكرسي وهو مش قادر يصدق

منى

مراته اللي كان لسه شايفها راكعة على الأرض وبتتمرمط قدام عيلته