حكايات محمد عبده

قال بصوت متوتر

إزاي الفلوس دي راحت لحساب منى وهي أصلا معندهاش أي تعاملات مع الشركة

منير بص له وقال

ممكن تكون التحويلات حصلت من غير علمها وممكن يكون فيه مستندات اتستخدمت باسمها لازم نتأكد قبل ما نوجه أي اتهام

عمر كان عارف إن منى مستحيل تسرق منه لكنه لأول مرة بدأ يخاف من حجم المؤامرة اللي حواليه

في نفس الوقت كان تليفونه بيرن باسم أمه

ساب التليفون يرن لحد ما فصل وبعدها وصلته رسالة منها

عمر يا حبيبي إنت فين شريف بيقول إنك سافرت بس أنا قلبي مش مطمن عليك كلمني أول ما تشوف الرسالة

عمر بص للرسالة بسخرية موجوعة

حتى دلوقتي أمه بتتصرف كأن كل حاجة طبيعية

كتب لها إنه مشغول في الشغل وبعدها طلب من منير يتأكد إن كل الحسابات اللي شريف عنده صلاحية عليها اتجمدت بشكل قانوني وإن مفيش أي تحويلات جديدة تتم من غير مراجعة

وبعد دقائق وصلت رسالة من المحامية بتأكد إن إجراءات المراجعة بدأت وإن أي إجراء إضافي هيحتاج مراجعة قانونية حسب طبيعة كل حساب

عمر حس إنه أخيرا بدأ يمسك أول خيط في الحقيقة

لكنه ما كانش يعرف إن نوال في اللحظة دي كانت واقفة جوه الفيلا وبتحاول تتصل بشريف من غير ما منى تسمعها

قالت له بصوت متوتر

شريف في حاجة مش طبيعية الحسابات اللي كنا بنستخدمها مش عارفين نتصرف فيها والبنك طالب مراجعة لبعض العمليات

شريف رد بعصبية

يعني إيه مش عارفين نتصرف فيها مين عمل كده

نوال سكتت ثواني وبعدين قالت

مش عارفة بس أنا خايفة يكون عمر عرف حاجة

شريف رد بسرعة

مستحيل عمر مسافر تمانية أيام ولسه قدامه وقت يرجع فيه ولو كان عرف حاجة كان واجهنا

لكن داليا اللي كانت واقفة جنبهم قالت فجأة

طب ويوسف

الاتنين بصوا لها

داليا كملت بصوت مرتعش

أنا شفته الصبح واقف في الجنينة وكان ماسك ورقة في إيده ولو عمر شاف الرسمة يبقى إحنا في مصيبة

نوال وشها اتغير وقالت

إنتي متأكدة إنه شافها

داليا هزت راسها وهي بتبص ناحية الشباك

مش متأكدة بس أنا مش لاقية الورقة اللي كانت مستخبية تحت الدولاب

في اللحظة دي نوال قامت بسرعة واتجهت ناحية أوضة الحديقة